ಸ್ವಾಗತ
Saturday, January 31, 2009
ಹೇಳಿ ಕೊಟ್ಟೋಳು ಯಾರೇ?
ಅಂಕೆ ಶಂಕೆ ಇಲ್ಲದ ಪ್ರೀತಿಯ ಹೇಳಿ ಕೊಟ್ಟೋಳು ಯಾರೇ?
ಗಿರಿ ಗಗನದ ಮೇಲೆ ಆಣೆ ಮಾಡಿ ಕೈಗೆ ಕೈ ಬೆಸೆದವಳು ಯಾರೇ?
ನನ್ನ ಹೃದಯದ ಭಾಷೆಗೆ ದನಿಯಾದ ಪ್ರಿಯತಮೆ ಯಾರೇ?
ನನ್ನೆದೆಯ ವೀಣೆಯ ಮೀಟಿ ನಾದವ ತಂದವಳು ಯಾರೇ?
ಬಿಳಿ ಮೋಡದ ನಗೆಯ ಸೂಸಿ ಕನಸಲ್ಲಿ ಕಾಡೋಳು ಯಾರೇ?
ಚಂದಿರನ ಬೆಳಕಲ್ಲಿ, ಹನಿಯುವ ಇಬ್ಬನಿಯಲ್ಲಿ ಬಿಗಿದಪ್ಪಿದವಳು ಯಾರೇ?
ಮುಸ್ಸಂಜೆ ಮುಬ್ಬಲ್ಲಿ, ಬಿಸಿಯುಸಿರ ಬೇಗೆಯಲ್ಲಿ ಮುತ್ತಿಟ್ಟೋಳು ಯಾರೇ?
ನೀನ್ಯಾರೆ??????
ಇಂತಿ ನಿನ್ನ ಪ್ರೀತಿಯ...
ಕಂಪನ
ಮಂಜಿನ ಹನಿಯಲ್ಲಿ.........
ಮುತ್ತಿನಂತ ಮಂಜಿನ ಹನಿಗಳಲಿ ನಿನ್ನ ಹೆಸರ ಬರೆದೆ ಕಣೆ,
ಕಣ್ಣುಬ್ಬಿಗಂತಲೇ ಕಾಮನಬಿಲ್ಲನು ತೆಗೆದಿಟ್ಟೆಕಣೆ,
ನಿನ್ನ ನಗುವಲ್ಲಿ ಹರಿಯುವ ಜಲಪಾತವನೆ ಕಂಡೆ ಕಣೆ,
ಸಾಗರದಿ ಹವಳವ ಆರಿಸಿದೆ ನಿನ್ನ ದಂತಕಂತ ಕಣೆ,
ಎಳೆ ಗರಿಕೆಯ ಎಸಳುಗಳು ನಿನ್ನ ಮುಂಗುರುಳಿಗೆ ಕಣೆ,
ನನ್ನೆದೆಯಾಳದಲ್ಲಿ ಮಿಡಿದ ಹೃದಯದ ಬಡಿತ ನಿನದೇ ಕಣೆ,
ನಿನ್ನೊಲವ ಅಲೆಯಲ್ಲಿ ನಾ ಕೊಚ್ಚಿ ಹೋದೆ ಕಣೆ,
ಪ್ರಾಣ ಹೋದರು ನನ್ನುಸಿರು ನಿನಗೆ ಕಣೆ,
ಚಂದ್ರನ ನಾಚಿಸಿದ ಜಾಣೆ.... ನೀನಿಲ್ಲದೆ ನಾನಿಲ್ಲಕಣೆ,
ಇಂತಿ ನಿನ್ನ ಪ್ರೀತಿಯ...
ಕಂಪನ
Subscribe to:
Posts (Atom)